الدّنْيـآ يــًآصـآحِـبي ح‘ـكآيـــآآت وع‘ـلـــؤمـ ...}

الدنيا ياصاحبي حكايات وعلوم
................................قصص عجيبه تذهل الي قراها





الدنيا لوتضحك معك دايم الدوم
................................خلك فطين ولايهمك رضاها





كم واحد تبني له امال وحلوم
.................................يفنى وغيره يهتني في بناها




ياما افرحت قوم وياما حزنت قوم
.................................وكم اعشقت عين وخانت غلاها




ياصاحبي شف امس شف حالنا اليوم
................................دنيا تقلب يكفي الله بلاها




اليوم لامنه بغت عيني النوم
.................................تنكدت روحي وعافت كراها




ماكل من علا بالاصوات مفهوم
.................................وماكل روح تلتقي في مناها




وماكل من يشكي معذب ومحروم
................................وماكل من يضحك همومه نساها




بحرالحياه ان صرت ماتعرف العوم
...............................يرميك في غبه بعيدمداها





من راح يستسلم من احزان وهموم
...............................يموت حي وحاجته ماقضاها





واااااااجه هبوب الوقت بايمان وعزوم
..............................لابدماربك يهدي هواها





والصبراذا شمسك حجب نورها غيوم
.............................الغيم يتفرق ويشرق سناها




،،